Gjithmonë duhet te dihet parimi i funksionimit të botës WEB dhe komunikimit me faqet Web. Në esencë gjithmonë komunikimi nëpërmjet makinave kompjuterike është “Klient – Server”, natyrisht duke pasur një adresë dhe protokoll të caktuar në të cilën kalon kjo adresë e makinës “Klient” apo “Server”. Ndërtimi i Faqeve të Internetit, Aplikacioneve Onlinë ose Multimedial për në Web, do të kenë nevojën e përdorimit të disa disiplinave siç janë, Animacione Grafike, Dizenjimi Grafik, Komunikimet Interaktive, Arkitektura e Informacionit, Marketing, Fotografi, Motora Kërkimi, Formularë Aplikimi, Dërgime Poste Elektronike etj.
Që të gjitha këto të vendosen në funksion, kanë nevojën e :
- Gjuhe Programimi (Markup Language) të koduar për ndërtim strukture (si HTML, XML etj)
- Gjuhë Grafike (Style Sheet) që shërben për formatimet e tekstit (si CSS dhe XSL)
- Skripte të Lexuesit siç janë Javascript ose VBScript.
- Skripte të Serverit për funksionimin automatik siç janë PHP ose ASP.
- Teknologji Databazesh siç janë MySQL apo PostgreSQL
- Module të Multimedias siç janë Flash apo Silverlight.
Faqet e Internetit mund të jenë statike ose dinamike në mënyrë që tu përshtaten paraqitjes, që varen nga faktorë të ndryshëm. Nga specializimi i fushave të grafikës së telekomunikacionit dhe Teknologjisë së informacionit është ndërtuar një vijë ndarëse midis Dizenjimeve Web qe është specifike për ndërtimin e faqeve të internetit dhe Zhvillimit te Aplikacioneve të Web-it që është specifike për anën logjistike të ndërtimit të informacionit.
Stadet që nga Konceptimi deri tek Përditësimi i faqeve web, duhet te ndiqen në mënyre rigoroze që të arrihet synimi sa më funksional i faqes që keni për të ndërtuar.
- Aksesi i Faqeve të Internetit
Që të jetë e lexueshme faqja e internetit duhet të jetë komform me principet e Aksesit.
- Faqja duhet të jetë ndërtuar ose programuar në strukturë të tillë, që të njihet nga shërbimet e tjera web. Kjo gjuhë programimi është lëshuar nga IEEE (Instituti i Inxhinierëve Elektrik dhe Elektronik) dhe është gjuhë internacionale për ndërtimin e faqeve web.
- Gjuha e kodimit duhet te përshtatet me strukturën që njihet në web, sic janë HTML, XML, XHTML, MXML etj.
- Duhet të përdorni hiperlidhje që do ti quajmë “Link”, për të kaluar nga një faqe në një tjetër.
- Përdorimi i CSS pra formateve të Tekstit, Ngjyrave, Fonteve, pozicionit në Paragrafë, etj.
Sot për sot po fillojnë te zbatohen Sistemet me Përmbajtje të Menaxhueshme (CMS), qe i kanë të gatshme CSS, gjuhën e përdorur, hiperlidhjet, ikonat etj. Puna juaj do te ishte vetëm shtimi, modifikimi dhe përditësimi i teksteve, imazheve apo linkeve.