Këshilla përpara se të nisni një faqe tuajën

Duke parë që kohët e fundit po lëshohen shumë faqe online, doja të jepja disa këshilla webmasterave të këtyre faqeve. Janë disa pika të rëndësishme që ju duhet ti kaloni përpara se të publikoni faqen. Lexojini me kujdes edhe shpresoj ti vini në zbatim.
Ju keni punuar për një kohë të gjatë në një faqe edhe doni ta bëni publike? Përpara se të ndodh një veprim i tillë ju duhet të kaloni shumë pika thelbësore që ju ndihmojnë në një përplasje sa më pozitive me publikun e lexuesin. Kohët e fundit kam parë që shumë persona i lëshojnë faqet e tyre pa menduar mirë edhe duke u nxituar. Shumë persona lëshojnë faqe që janë pothuajse bosh, ose që kanë shumë gabime. Mendoni që do të kthehet sërisht në faqe dikush që ka hyr edhe e shef bosh? JO, kështu që ndiqni disa këshilla të miat edhe suksesi do të jetë i garantuar (të paktën kështu shpresoj). 
  1. 1.    Zgjidhni emrin e duhur për domainin tuaj 
Suksesi i një faqeje nis që tek zgjedhja e domainit që doni të përdorni. Shumë persona shpesh nga “ekstaza” për të hapur një faqe të re, bëjnë gabim që në hapin e parë të rrugës. Kam parë që shumë persona kërkojnë të kopjojnë emrat domeinësh ekzistues ose të imitojnë ato. Ky është një gabim i madh sepse ju nuk bëheni gjë tjetër veçse një rreklamim pasiv. Pastaj ka shumë raste që persona të ndryshëm zgjedhin emra domainesh shumë të gjatë, që prap është jo në avantazh të lexuesve të cilët mund ta harrojnë ose ta shkruajnë gabim. 
Zgjidhni një domain të mirë
Një gabim tjetër është edhe përdorimi i domaineve me mbaresa .org ose të tjera që zakonisht janë “të rezervuar” për organizata e jo faqe personale. Bëni mirë që të keni një domain .com ose .al (domain shqiptar). E di që është vështirë të gjesh një emër të mirë me këtë lloj mbarese por lini fantazinë tuaj të punoj edhe zgjidhni një domain jo shumë të gjat edhe jo të vështirë. Gjithashtu nëse doni të keni një faqe të suksesshme do ju sugjeroja të hiqnit dorë nga domainet falas. Kurseni pak edhe paguani një domain tamam sepse mund të vij një ditë që faqja të bëhet e famshme e me një domain falas mund të ndodhin shumë surpriza të këqija.
Personalisht preferoj të blej domainin jo të lidhur me hostin sepse mund të ndodhin shumë keqkuptime ose transferi hosti e kështu ju duhet të prisni sa të bëhet kalimi i domainit tek shërbimi i ri e kështu me radhë. Nëse përdorni shërbime të ndryshme si NameCheap, GooDaddy, Name, Dot.AL që mundësojnë vetëm blerjen e domaineve, keni bër një hapë të mirë përpara. Gjithashtu ka plotë shërbime si Domai.Nr të cilët ju mundojnë në sugjerime për emra domainesh. 
  1. 2.    Zgjidhni Hostin e duhur 
Hosti është një tjetër element si Domaini që duhet zgjedhur me kujdes. Ndryshe nga i pari që nuk “ndërrohet”, hostin mund ta ndërroni pa problem nëse jeni të pakënaqur me të parin. Si edhe më sipër un do ju këshilloja të hiqni dorë nga hoste falas apo nga hoste të dhuruar nga të tjerët. Mos harroni se ju nuk keni kurr akses të plotë aty edhe mund të ndodh që një ditë t’ju bllokohen të gjitha e të humbni punën edhe vizitorët tuaj. Ka plotë eksperienca të këqija nëpër forume, kështu që për një faqe serioze duhet të fusni dorën në portofol.
 
Një host i mirë ju ndihmon shumë
Në ditë e sotme të gjesh hoste shumë të lira nuk është vështirë. Mjafton të shikosh ams.al, amshosting (ams.eu.com) apo e shumë të tjerë që për pak dollar të ofrojnë hoste të mira e shumë të lira. Unë do ju këshilloja që në fillim ta nisni me një host të tille aventurën tuaj e nëse shihni që faqja juaj rritet edhe keni ngadalësime në hapjen e saj, duhet të kaloni në një VPS ose Dedicated Server. Këto normalisht janë shumë më të shtrenjtë se Shared Hosting por edhe performanca e faqes tuaj do të jetë shumë e ndjeshme. Ams.eu.com është e hostuar tek Ams.AL edhe ne jemi shumë të kënaqur për gjëndjen  e funksionimin e serverit. Një suport mjaft i mirë që do ja këshilloja të gjithëve që do donin një host cilësor e aq më shumë Shqiptar.
 
3. Bëni gati llogaritë në Social Media 
Social Media sot janë shërbime që ju ofrojnë të komunikoni apo të merrni më shumë vizitor në faqen tuaj. Faqe të fuqishme si Facebook, Youtube, Twitter apo të tjerë ju ofrojnë një numër të madh lexuesit nëse i përdorni ashtu si duhet. Kështu që është mirë që para se të lëshoni faqen online, të keni krijuar edhe llogaritë tuaja në ato Social Networke që dëshironi edhe ti keni konfiguruar sipas dëshirës.
Nëse doni të na ndiqni neve në Twitter edhe Facebook jeni të mirëpritur. Aty ju presin shumë surpriza të reja e informacione mbi faqen tonë. Gjithashtu duhet të mos harroni të shtoni butona në artikujt tuaj për rrjetet social që të tjerët ta kenë të thjeshtë për ti përdorur. Një mundësi plus është edhe përdorimi i rrjeteve sociale Shqiptare. 
  1. 3.    Mos e lini faqen bosh 
Gabimi më i madh që bëjnë shumica është lëshimi i një faqeje bosh. Kurrë mos hidhni online një faqe të tillë sepse do të shihni që lexuesit nuk do të kthehen më në faqen tuaj. Kështu që arma më e mirë është që të përgatisni minimumi  5 artikuj për ti vendosur në faqe. Gjithashtu një këshillë e mirë do të ishte që të shikit materiale për pothuajse të gjithë muajin e parë. Kontakti i parë i lexusve me faqen është shumë i rëndësishëm, kështu që mundohuni ti ofroni gjëra cilësore.
Ne tek Feniksi si fillim kishim programues 8 artikuj online edhe kemi një bollëk artikujsh që ne lexuesve tanë do ja ofrojmë në ditë në vazhdim. Kështu për të mos pasur surpriza të këqija ju këshillojmë ti keni gati të gjitha.
 
  1. 4.    Planifikoni të ardhmen e faqes 
Planifikimi i një rruge që duhet të ndiqni për të ardhmen e faqes është shumë i rëndësishëm. Ju nuk mund të niseni me idenë që po e hap faqen e të shof si do dali e më vonë do vendos. Jo, një faqe e suksesshme ka ca pika që duhet të bazohesh. Secili ka mënyrën e tij të planifikimit e nuk ka një rrugë fikse, rëndësi ka që të keni programuar se cilat janë hapat tuaja që ju do të ndiqni mbas lëshimit të faqes. Cilat janë rrugët e marketingut, të rritjes së lexuesve e shumë të tjera. Ne tek Feniksi kemi vendosur planin tone edhe me kalimin e kohës do të shihni shumë gjëra të reja e të bukra. Thjeshtë na ndiqni.
 
6. Sigurohuni që punojnë të gjitha gjërat në faqe 
Ca kuptimi do të kishte një faqe e re edhe me probleme? Besoj që do të mërziste të tjerët e do ti bënte të largoheshin. Kështu që ju para se të lëshoni faqen online duhet të shikoni punojnë të gjitha gjërat apo jo. Shikoni punojnë të gjitha linket e artikujve tuaj, nëse punojnë linket që ndodhen brënda artikujve. Nëse keni një formular kontakti, shikoni nëse ju vjen emaili. Nëse keni një sistem komentesh, shikoni që të punoj pa probleme, mos të fshij komentet kotë edhe mos të jet i “lirë” për Spamet e ndryshme. Pataj nëse keni një sistem të integruar në faqe si ky i joni me pagesë për tu bërë anëtar, duhet ta testoni. Pikërisht për këto arsye ne e kishim bërë faqen publike vetëm tek disa persona që na shërbenin për testime e me thën të drejtën kam gjetur shumë Bug të vegjël nepërmjet kësaj mënyre testimi.  
 
7. Përdorni RSS edhe Favicon
 
Kohët e reja të Webit e kanë bërë thelbësore përdorimin e RSS Feeds edhe të Favicon. RSS janë një mjet shumë i dobishëm në marrjen e lajmeve pa ardhur në faqe. Kjo i lehtëson shumë punën lexuesve të cilet nuk duhet të vinë gjithmonë në faqe për të parë ka lajme të reja apo jo. Mjafton të jenë të abonuar edhe do lajmërohen kur postohet një lajm i ri.
Favicon është një tjetër element i cili drejtpërdrejt nuk ndikon në faqen tuaj por që e bën atë të duket më profesionale. Ne tek feniksi përdorim si favicon një pjesë të logos tonë.
 
8. Kontrolloni faqen në shfletuesit më popullor
 
Një tjetër gabim që bëjnë disa persona është edhe mos kontrollimi i faqes tuaj në të gjithë Broswerat popullor. Mund të ndodhi shpesh që në disa shfletues faqja të duket e rregullt e në disa të tjerë jo. Pikësisht është detyra e Webmasterit që përpara se të lëshoj faqen online të kontrolloj nëse ajo shfaqet rregullisht në të gjithë shfletuesit. E nëse ka gabime duhet ti rregullojë ato që të ketë një paraqitje pothuajse uniformë.
 
Shfletuesit më popullorë
Kini parasysh që të kontrolloni se s’bën paraqitjen e faqes në Firefox, Internet Explorer 8+, Safari, Google Chrome e ndoshta e në Netscape. Do të ishte me të vërtet një surprizë jo e këndëshme shfaqja e gabuar e faqes. 
 
9. Ofroni mundësi komunikimi për lexuesit
 
Lexuesit janë thesari i faqes tuaj. Pa ato ju nuk mund të ecni përpara. Në ditët e sotme është thelbësore që ju ti ofroni lexuesve mënyra shumë të thjeshta që të komunikojnë me ju. Në një mënyrë ose tjetër ato duhet të jenë të aftë të shprehin mendimin e sugjerimin e tyre. Nëpër blogjet si ky i joni është kryesore përdorimi i një sistemi komentesh ku lexuesit mund të shprehin mendimet e tyre mbi artikujt apo edhe të japin sugjerime për përmirësime, e pse jo të korrigjojnë ndonjë gabim që mund të ketë. Përveç komenteve është mirë që të ofroni edhe një formular kontakti apo adrese emaili të vlefshme ku lexuesit mund t’ju drejtoheni. Mos u fshini sepse nuk është gjë e mirë.
 
10. Optimizimi i faqes
 
Të optimizosh faqen do të thotë që ta bësh atë sa më të saktë për makinat e kërkimit. Në guiden tonë mbi Seo unë ju tregova disa pika kryesore se si mund të ndikoni në SEO që kur shkruani kodin tuaj. Duhet të kujdeseni që kodi të jetë sa më i pastër e i kuptueshëm që nëse një ditë i ktheheni pas ta kuptoni atë që keni bërë.
 
Përdorni Google Analytics
Një tjetër optimizim i mirë është edhe optimizimi i URL-ve. Mundohuni ti keni sa më të shkurtra e të kuptueshme. Një element i rëndësishëm për faqen tuaj eshtë edhe Google Analytics. Instaloni scriptin e ofruar falas nga Google në mënyrë që të keni një shikim të plotë mbi lexuesite tuaj. Mund shihni kush janë rrugët të cilat sjellin më shumë vizitor, kush janë artikujt më të preferuar e shumë gjëra të tjera.
Shpresoj që t’ju kemë ndihmuar sadopak me këto 10 këshilla kryesore. Nëse ju keni ndonjë sugjerim tjetër, atëherë na shkruani tek komentet edhe ne do të japim mendimin tonë mbi eksperiencën me atë metodë.
  • 42 Bu dökümanı faydalı bulan kullanıcılar:
Bu cevap yeterince yardımcı oldu mu?

İlgili diğer dökümanlar

Lidhjet në një Faqe Web

Lidhjet në një Faqe Web  Lidhjet janë mënyra e vetme që vizitorët e faqes tuaj arrijnë të gjejnë...

Çfarë përfshin mirëmbajtja e faqes së internetit?

Sot ne kemi evoluar, nga faqe interneti të thjeshta statike në kthesën e madhe të shekullit ,...

Çfare lloji webfaqesh është e nevojshme të ndërtoj

Çdo faqe interneti ka një qëllim të ndryshëm, dhe mënyra më e mirë për ta gjetur qëllimin e një...

S'kam nevojë për webfaqe dhe kam shumë punë dhe klientë

Pa mendoni njëherë se edhe shumë firma të tjera të njohura kanë shumë punë vazhdimisht, por kanë...

Arsye të fuqishme për reklamimin e biznesit tuaj në internet

Çdo organizatë, e cila nuk ka një strategji që e shfrytëzon internetin për reklamim me shumë...